點解嘥時間寫 Blog？
主要係鍾意鳩噏，但通常噏埋啲唔係正常人日常鍾意談論嘅話題，同時對正常人談論嘅話題都無甚興趣，寫 Blog 有我講冇人講似乎係唯一選擇﹙對住塊鏡講得多開始有啲精神分裂﹚。事源最近又有啲得閒，寫 Blog 似乎係一個唔錯嘅燒時間活動，而且稍為做 Research 之後發覺起一個屬於自己 Domain 嘅網站好似唔係好難，就想試吓入坑。
其次係始於二零二二年下半年全球通脹失控之時，賺錢慳錢變得愈嚟愈重要，寫啲關於錢銀嘅嘢好似有啲用。
最後係想努力粵語入文，唔知有生之年我哋嘅文化會唔會消失晒，唯有盡人事以廉價嘅方式喺網絡上留低一絲走過嘅痕跡。