今日係事頭婆嘅葬禮，全國放假，有時間畀我開始寫第一個 Post。
開始寫 Blog 除咗簡介有噏過嘅原因之外，仲因為最近多咗時間，多咗時間嘅原因係因為最近一條財路突然冇咗，搞到有啲失落。
呢條所謂財路係上年年尾發掘，Keyword 係 Matched Betting，其實可以自己上網研究，簡單嘅嚟講係逐少逐少咁喺唔同嘅賭博網站執吓錢，上年十二月開始，呢九個月真係靠佢執咗唔少，都幾神奇，執吓執吓慢慢咁畀一個又一個網站限制咗我個投注戶口，到依家已經冇乜肉食，陰鳩公。所以想搵地方記低呢段咁神奇嘅經歷，真真正正我都﹙被迫﹚賺夠喇，好想畀其他人睇到都一齊賺吓。
而發掘到呢條水係上年睇連登見到有人 post，嗰時唔係好得閒都冇理，不過之後近年尾又得閒返，想睇返個 Post 嗰時就發現個 Post 畀人剷咗，可能涉嫌商業宣傳啩，搞到要用唔少時間搵返啲蛛絲馬跡出嚟再自己做 Research，我覺得自己都幾叻仔所以要記低佢！
