踏入 2002 年 11 月，有兩間 Bookies 先後 send email 嚟話即將執笠。由此可見，用一個常用嘅 email 開投注網站戶口係幾咁重要，唔係佢就嚟執都未必會知，呢點喺 Matched Betting 心得有提及，我自己就直情喺 Gmail 度 set filter 將每個投注網站 Email 嘅 domain 加落一個 matched betting 嘅標籤度，一目了然。
呢兩個 Bookies 分別係：
Energy Bet 大約畀一個禮拜時間你繼續賭……同埋 withdraw，好似會保留網上賭場，一個禮拜後將你啲錢移過去繼續賭或者拎錢。不過呢間嘢除咗迎新之外都冇嘢吸引到我繼續賭，所以一路都係雪藏戶口，對我無影響。
Sport Nation 就畀兩個禮拜時間通知，如果仲有錢佢話會自動退返。而呢間係運鳩吉戰隊成員之一，所以都係對我冇影響。
兩間嘅特性似乎都係冇乜 Reload Offers，同之前唯一一間執笠嘅 Mansion Bet 一樣，睇嚟呢行真係幾蝦人玩，一畀唔足甜頭，啲人就唔賭。突然多咗兩間執笠，唔知同通漲加經濟衰退有冇關係呢？
